Bruto Produkti Vendor me çmime aktuale 2004-2010

BPV në Kosovë për vitet 2004-2010 është rritë në vlerën prej 2.912,5 në 4.215,6 milion euro. BPV për kokë banori është rritë prej 1.822 euro në vitin 2004 , në 2.383 euro në vitin 2010.  

Popullsia 
Popullsia gjithsej 1.733.872  

Dendësia e popullsisë 175 p/km2

Nataliteti 15.7 ‰

Koef. i vitalitetit 4.87, maskulinitetit 108.9

Mortaliteti 3.2 ‰

Foshnje në 1000 lindje të gjalla 8.4

Shpërndarja sipas moshës

0-14 vjet 28 %

15-64 vjet 65 %

65 e me të vjetër 7 %

Varfëria në konsum në republikën e Kosovës  në vitin 2009 

Në vitin 2009 pak më  shumë  se një e  treta e popullsisë  (34 për qind)  jetonin nën vijën e varfërisë  absolute prej  1.55  € për një person  të  rritur në  ekuivalente ditore, dhe  12 për qind jetonin nën vijën e varfërisë së skajshme prej 1.02 €.

Statistikat e tregtisë së jashtme Janar 2012

Të dhënat nga Tregtia e Jashtme në Kosovë tregojnë për një deficit tregtar për muajin Janar 2012 prej 112,7 milion € krahasuar me deficitin prej 109,8 milion € me Janarin e vitit 2011.Eksporti në muajin Janar 2012 kishte vlerën 18,7 milion €, ndërsa importi 131,5 milion €, është një rënie prej (17.9%) për eksport si dhe prej (0.9%) për import krahasuar me Janarin e vitit 2011.     

Indeksi i çmimeve të konsumit (IÇK) për muajin Dhjetor 2011 
 

  
Indeksi i tërësishëm i çmimeve të konsumit në Kosovë është më i lartë për 0,4% në muajin dhjetor 2011 krahasuar me muajin nëntor 2011. Dhjetor i vitit 2010 krahasuar me muajin nëntor 2010 ishte me çmime më të larta për 1,0%. Shkalla e inflacionit e matur në muajin dhjetor  2011 me muajin  dhjetor  2010 ishte  3,6%.    

Lindjet dhe Vdekjet në Kosovë 2010

Në bazë të informatave të grumbulluara për vitin 2010, në Kosovë janë regjistruar 33966 lindje, prej tyre 33751 të lindur të gjallë, ndërsa 215 të lindur të vdekur.

Ndërsa në bazë të informatave të grumbulluara për vitin 2010, të raportuara nga familjarët dhe të regjistruara në librat amzë për vdekjet, në vitin 2010, në Kosovë janë regjistruar 7234 vdekje, prej tyre 4263 meshkuj apo 58.9% dhe 2971 femra apo 41.1%.